Энд байгаа болохоор юм уу, ийм байгаа болохоор юм уу сэтгэлийн чинадад жаал уур бухимдал байгаад байх юм. Шинэ өглөө эхэлсэн ч гэлээ баяр баясал, эрч хүч гялалзахгүй юм. Өглөө охиндоо хоргодож, хоргодож гэрээсээ гараад BLUЕBUSS гэдэг супер унаандаа суулаа. Жолооч нь нисгэгч ээ нисгэгч. Өөрийнхөө овсгоо самбааг хэнд ч юм, автобус дүүрэн зорчигчдод гайхуулах гэдэг юм уу давхина гэж үзүүлээд өгнө шүү дээ. Зүв зүгээр ажлаа тараад автобусанд суугаад гэртээ харих замдаа савсаг жолоочийн уршигаар осол гарч би гэдэг хүн үхэх ч юм уу үгүйдээ бэртэж гэмтээд насны "юм"-тай үлдвэл яана аа гэдэг бодол үе үе зурсхийнэ. (Муу ёр, муу ёр түй түй). За тэгээд супер унааны маань зорчигчид ч гэж БИ гэсэн хүмүүс. Хэл ам ч гэж гүйцэгдэхгүй, хэрүүл шуугиан ч хааяагүй. Архичин, бөбөчингүүд чинь бүүр мундаг гээч. БОС гэж байгаад л мань мэтийн муусайн ядарсан охид эмэгтэйчүүдийг нь хөөж босгож байгаад л тухлана шүү дээ. Хэдэрлээд суугаад байвал бүх амьдралдаа сонсохооргүй тийм муухай хараал, бүдүүлэг үг яриа, сэжгийн доромжлол сонсох болно. Бушуухан босох минь. Тэгээд нүд хужирлаж, сонор "мялаасан" чимээ шуугиантайхан автобусаараа явсаар байгаад арай хийж ажилдаа ирнэ. Ороод ирнэ, гунигтай. ...............
Ажил тарна гэр лүгээ , охиндоо яарсаар супер BLUEBUS аа хүлээж байгаад л сууна шүү дээ Тийм болохоор би машинтай болмоор байна аа хөх тэнгэр минь гэж!!!!
No comments:
Post a Comment