Ийм сайхан зугаатай юм хийчихэж ээ цаана чинь. Би хүүхэд байхдаа ванны өрөөнд ном авч ороод л савангийн тавиур дээрээ тавьж уншина. Мэдээж нөгөөх нь норно ш дээ. Заримыг нь бүр алдаад усанд унагчихаж байгаа юм чинь. Тэгээд л манай гэрийн номнууд миний гараар орохоороо их зовлон үздэг байсан даа хөөрхий. Харин ийм нэг сайхан юм гарчихсан байна. Одоо ч ном уншихгүй байгаа ч гэсэн нэг сайхан зав гараад усныхаа өрөөндөө ороод хэвтмээр санагдах үед бол сайхан л эд байна. Бас дарс марс нь юун сайхан диваажингийн мөрөөдлийн биелэл вэ. Энэн дээр сарнайн дэлбээ нэмчихвэл оооё ёо ёо ёо
Усанд орчихоор нөгөө толь энэ тэр цанатаад бүрзийсэн юм байдаг ш дээ. Гоё дээрээ тавьчихсан хүн чинь нэг сайхан үс, зүсээ харчихмаар байдаг. Нэг бол гараараа үгүй бол алчуураар нэг халтар хултар зүлгээд л хальт бүүдийсэн юм хардаг даа. Харин сэргэлэн нөхдүүд ийм юм сэтгэсэн байна. Хэр үр дүнтэй юм бол доо. Ямартай ч сонирхууштай л эд байна.
За нөгөө охид бүсгүйчүүдэд чинь гэрэлтсэн гоо үзэсгэлэнг бэлэглээд байдаг Сваровски чинь жорлонгийн суултуур чимээд эхэлжээ. Жемал Райт гэдэг нөхөр зүгээр сууж чадахгүй энэ суултуурыг шигтгээгээр чимчихэж ээ. Нөгөө гялалзсан юманд дуртай шаазгай шиг нөхдүүд нь тэгээд авах л байлгүй дээ. Тэгээд ийм суултуур дээр суугаад ямар нэг юм хийхэд арай өөр мэдрэмж төрдөг юм болов уу яадаг юм бол?
No comments:
Post a Comment